Ciidanka xoogga Dalka iyo Daraawiishta Jubbaland ayaa burburiyay fariisimo Khawaarijtu ku lahayd deegaanka Miido ee Gobolka Jubbada hoose.
Howgal qorshaysan oo ay sameyeen Ururka 5-aad Guutada 16-aad ee kumandooska Danab ayaa ka dhacay meel udhow tuulada miido oo 26-KM u jira Degmada Afmadow ee Gobolka Jubbada hoose.
Ciidamadu waxa ay halkaa ku dileen inta la xaqiijiyey ilaa 7 dhagar qabe oo uu kujiro horjooge lagu magacaabo Asad, waxana looga dhaawacay 5 kale.
Howlgalkan waxaa lagu soo furtay 4-qori oo ah nooca AK47, 1-qori oo BKM ah sida uu Warbaahinta Qaranka u sheegay Taliyaha Ururka 5-aad Guutada 16-aad Danab Taliye Carab Dheeg Axmed.
