Taliyaha Qaybta 1-aad ee Ciidanka Sida Gaarka ah u Tababaran ee Kumaandooska Gorgor Xoogga Dalka Soomaaliyeed, G/sare Saahid Jaamac Faarax (Jareere), ayaa garoonka diyaaradaha ku soo dhaweeyay saraakiil iyo askar hordhac u ah Guutada 21-aad, kuwaas oo tababar ciidan loogu soo gabagabeeyay dalka Turkiga.
Ciidamadan ayaa muddo tababar ku qaatay dalka Turkiga, iyadoo tababarku qayb ka yahay dadaallada lagu tayeynayo awoodda iyo xirfadaha Ciidanka Xoogga Dalka Soomaaliyeed.
Soo laabashada saraakiisha iyo askartan ayaa lagu tilmaamay tallaabo muhiim u ah xoojinta awoodda Kumaandooska Gorgor, gaar ahaan dhanka aqoonta iyo khibradda ciidan ee ay ka heleen tababarka.
Mas’uuliyiinta iyo hoggaanka ciidamada ayaa muhiimad gaar ah siinaya tababarrada dibadda, si loo horumariyo tayada iyo diyaargarowga Ciidanka Xoogga Dalka Soomaaliyeed.
