Howlgal qorsheysan oo ay Ciidamada Hay’adda Nabad Sugidda iyo Sirdoonka Qaranka (NISA) ka fuliyeen inta u dhexeysa Kabtan Naas iyo Janaale, gaar ahaan tuulada Kibili ee Gobolka Shabeellaha Hoose, ayaa lagu fashiliyey qorshe ay Khawaarijtu ku doonayeen inay ku waxyeelleeyaan shacabka.
Howlgalka ayaa lagu dilay laba dhagarqabe, halka laba kale oo ka tirsan Khawaarijta lagu qabtay iyagoo nool. Sidoo kale, ciidamada ayaa gacanta ku dhigay siddeed miino iyo bastoolad.
Meydadka iyo hubka laga furtay ayaa lagu soo bandhigay magaalada Marka, iyadoo NISA ay sii waddo howlgallada lagu xaqiijinayo amniga iyo ciribtirka Khawaarijta.
