Waxaa duleedka magaalada Kismaayo ee xarunta Gobolka Jubada Hoose Ciidamo tababar loogu soo geba gebeeyey ciidamo katirsan darwiishta Dowlad goboleedka Jubbland.
Ciidamadan oo la sheegay in ay qaateen tababar qaas ah ayaa loogu talagalay in ay si gaar ah u ilaaliyaan madaxtooyada Jubbaland iyo ilaalinta madaxda iyo saraakiisha.
Mahad Xasan Cabdi oo ah taliyaha ciidamada ilaalada madaxtooyada Jubbaland ayaa faah faahin ka bixiyay tababarkaasi loo soo geba gebeeyey ciidamadaasi.
โCiidamadan tababarka loo soo xirey waxaa loogu talagalay in ay si gaar ah u ilaaliyaan madaxda iyo saraakiisha,waa ciidamo tababar qaas ah la siiyay, waxaa ay ka qeyb qaadandoonaan dagaalka lagula jirow cadowga, waxaa ay barteen tababar sareeya waxaa ay leeyihiin feejignaan dheeri ah, oo ay ku difaacayaan dalkoodaโ, Ayuu yiri Mahad Xasan Cabdi.
Ciidamada ammaanka Jubbaland ayaa waxaa ay qeyb ka yihiin dagaalka lagula jiro maleeshiyada Shabaab, iyagoo argagixisada ay ka qabsadeen deegaano badan, kadib howlgalo ay sameeyeen muddooyinkii ugu dambeeyey.
