Saraakiisha Ciidamadda kumaandooska Soomaaliya ee Danab, ayaa guulo ka gaaray Dagaal ay la galeen kooxda nabadiidka ugus, waxaana uu ka dhacay dagaalka deegaan u dhow Alifow oo hoos yimaada degmadda Afgooye ee Gobolka shabeellaha hoose.
Maleeyshiyaad ka tirsan nabad diidka ah Al shabaab ayaa wadada u galay kolonyo ka tirsan Ciidamada kumaandooska Soomaaliya oo xilligaasi galbinayay Maxaabiis ka tirsan Argagixisada laga itaal roonaaday oo ku wajahnaa Magaaladda Muqdisho.
Saraakiil ka Tirsan Ciidamada Danab, ayaa Wakaaladda Wararka Qaranka Soomaaliyeed ee SONNA u sheegay in dagaalka lagu dilay Maleeshiyaad hubeysan, Horjoogayaal iyo labadii Maxabuus ee Hore Gacanta ugu hayeen Ciidamada, ka dib markii ay isku dayeen in ay baxsadaan.
Saraakiisha, ayaa sidoo kale inoo sheegay in Labada maxabuus ee ciidamada ay dileen, mid kamid ah uu ahaa Madaxa qaraxyada Gobolka Shabeellaha hoose, halka Horjoogaha labaad uu ahaa La-taliyaha Horjoogaha Alshabaab ee shabellaha hoose.
Waxay Saraakiishaasi la hadlay Wakaaladda SONNA ay beeniyeen in Maleeshiyada Kooxda Al-shabaab ay la wareegeen Gadiid Dagaal oo Ciidanka xoogga dalka Soomaaliyeed ay leeyihiin, arrintaas ayey ku tilmaameyn inay tahay been abuur looga dan leeyahay in Nabad diidka ay dadka uga jeedinayaan Qasaaraha weyn ee dagaalkaasi kasoo gaaray.
