Ciidanka kumaandooska xoogga dalka Soomaaliyeed ee DANAB, gaar ahaan ururka 5-aad ayaa howlgal qorsheysan oo ka dhan ah Argagixisada Al-Shabaab ka fuliyay degaano ka tirsan gobolka Jubbada Hoose.
Saraakiil ka tirsan ciidanka DANAB ayaa Radio Muqdisho u sheegay in ujeedka howlgalka uu ahaa burburinta goobo ay argagixisada Al-Shabaab uga dhuumaaleysan jirtay degaano ka tirsan gobolka, waxayna ciidamadu ku guuleysteen inay xaqiijiyaan ammaanka deegaanadii ay maanta xoreeyeen.
Related posts
Deegaanada kala ah Sanguuni, Muuse Xaajji, Arraare iyo Koban oo dhamantood ka tirsan gobolka Jubbada Hoose ayey ciidamadu cagta mariyeen.
Ciidanka Kumaandooska xoogga dalka Soomaaliyeed ee DANAB ayaa si joogto ah howlgallo kala duwan uga fuliya degaanada fog-fog ee gobollada koonfurta Soomaaliya, waxayna inta badan si xirfadeysan u laayaan nabadiidka Al-Shabaab.
