Ciidamo ka tirsan kuwa daraawiishta Galmudug oo uu hogaaminayay Gaashaanle Sare Geedi Maxamed Wardheere ( Geedi Qalabxooor) ayaa maanta howlgallo lagu baadi goobayo firxadka kooxaha nafla caarigaa ee argagixisada Al shabaab ka sameeyay deegaano hoostaga magaalada Bacaadweyne ee koofurta Gobalka Mudug.
Howlgalkaan baaritaanka iyo dabagalka argagixisada ayaa intii ciidamadu ay ku guda jireen waxay gaareen xeradii Ciidanka Xoogga dalka ay ku lahaayeen Afaafka hore ee Dagmada Bacaadweyne sida uu warbaahinta Qaranka u xaqiijiyay Taliyaha howlgalinta Ciidanka Daraawiishta Galmudug Gaashaanle Sare Geedi Maxamed Wardheere Qalabxoor.
Mudooyinkii u danbeeyayba waxaa lasii xoojinayay howlgallada ka dhanka ah argagixisada kuwaas oo haatan raadinaya meel ay naftooda kula baxsadaan kadib markii ay dharbaaxooyin kulul kala kulmeen Ciidamada Qaranka oo ay ka barbar dagaalamayaan kuwa maamul gobaleedyada iyo bulshada deegaanada ay ka dhaceen dagaalada lagu cirib tirayo kooxda waqtigoodu dhamaaday ee khawaarijta Al shabaab.
