Ciidanka Kumaandooska Xoogga Dalka gaar ahaan Guutada 16-aad ee DANAB ayaa maleeshiyaadka Al-Shabaab kalawareegay DegaankaTooratorow oo hoosyimaada Degmada Aawdheegle ee Gobolka Shabeelaha hoose.
Howlgalka oo ahaa mid qorsheysan ayaa ciidanka waxa ay argagixisada kaga sifeeynayeen deegaanada ay ku dhibaateyaan Shacabka Soomaaliyeed.
Taliyaha Guutada 16-aad Kumaandooska Xoogga Dalka Gaashaanle Ismaacil Cabdimaalik Maalin ayaa Warbaahinta Ciidamadda Qalabka Sida usheegay inta uu howlgalka socday ay ciidamada kuqabteen 10 ka tirsan Maleshiyaadka argagixisada Al-Shabaab oo uu ka midyahay Horjoogihii Maxkamadda Gobolka Shabeelaha Hoose Macalin Abuukar oo haatan kujira gacanta Ciidamadda Xoogga Dalka Soomaaliyeed.
Taliyaha ayaa intaasi ku daray in deegaaka Tooratoorow ay kutaalay maxkamad ay ku baadijireen Shacabka Soomaaliyeed, isla markaana lagu qaadijiray lacagaha baadda ah.
Shacabka ku dhaqan degaannada Tooratoorow iyo Farsooleey ayaa ciidanka soo dhaweey waxeeyna codsadeen in lasoo gaarsiiyo gargaar maadamaa Maleeshiyaadka argagixisada Al-Shabaab dhibaatooyin dhinaca nolosha ah ay ku hayeen.
Howlgalkaani ayaa qeyb ka ah howlgallo Ciidamadda Kumaandooska Xoogga Dalka ee DANAB kaga saarayaan aragagixisada deegaanada ay ku dhuumaaleeysanayaan ee ka tirsan Gobolka Shabeellaha Hoose.
