Kadib howlgal qorsheysan oo ay ciidanka Kumaandooska Xoogga Dalka ka fuliyeen degaan lagu magacaabo Lafaha Ragga oo u dhow Birta Dheer oo magaalada Kismaayo ee xarunta Jubbada Hoose u jirta qiyaastii 60 KM ayay ku dileen maleeshiyaad ka tirsan Al-Shabaab, ayna ku bur-buriyeen saldhig iyo saanad u tiilay halkaas.
Degaanka ayaa ahaa degaan ay isaga kala gudbi jireen maleeshiyaadka argagixisada Al-Shabaab waxaana haatan fariisin kadhigtay ciidanka xoogga dalka Soomaaliyeed oo markii ay bur buriyeen kaddib si toos ah ula wareegay.
Howlgalka qorsheeysan ee ay fuliyeen ciidanka kumaandooska Xoogga Dalka ee Danab gaar ahaan Ururka 5-aad ayaa waxaa qasaare xoogan lagu gaarsiiyay argagixisada Al-Shabaab, waxaana halkaasi looga dilay 6 maaleeshiyaad ah sida uu Idaacadda Ciidamadda Qalabka Sida u sheegay Taliyaha Guutada 16-aad Kumaandooska xoogga dalka Danab Gaashaanle Ismaaciil Cabdimaalik Maalin.
Ciidanka kumaandooska xoogga dalka ayaa inta badan gobolada dalka waxay ka wadaan howlgallo ay ku baacsanayaan maleeshiyaadka argagixsada Al-Shabaab oo ku dhuumaaleysanaya deegaanno dhowr ah.
