Taliyaha hoggaanka Howlaha Ciidanka Booliska Soomaaliyeed S/guuto Dayib Axmed Dhega Caleen, Taliye ku xiggeenka qeybta guud ee Booliska G/banaadir S/guuto Sulub Axmed Firin iyo Saraakiil kale, ayaa maanta Ciidanka Ammaanka ee ku sugan Kontaroolada laga soo galo Magaaladda Muqdisho ee xigga dhanka degmooyinka Deyniile iyo Kaxda waxay gaarsiiyeen Timir, Cabitaan Maro kaneeco iyo Bustayaasha dhaxanta laga hoos galo.
Gen. dhega caleen iyo Gen. Sulub, ayaa Saraakiisha iyo askarta ka howlgala goobihii maanta ay kormeereen ka xog wareytay sida ay tahay Xaaladda Amniga, waxaana ay fareen in ay muujiyaan feejignaan, ayna u naxariistaan dadka shacabka ah ee Sooman.
Taliyaha hoggaanka Howlaha Ciidanka Booliska Soomaaliyeed S/guuto Dayib Axmed Dhega Caleen, ayaa sheegay in muhiim ay tahay in mar walbo la dhiiri geliyo, lana garab istaago Ciidanka ammaanka, isaggoo xusay in la dardar geliyey howlaha amniga ee Caasimada.
