Ciidamada xoogga dalka qeybta 21 aad ayaa saaka lagu soo waramayaa in dhaq dhaqaaq ciidan ka wadaan koofurta gobolka Mudug, sida laga soo xigtay saraakiisha ciidanka.
Waxay fadhiisamo cusub ka sameysteen degaanka Bajeele ee gobolka Mudug, iyadoo bulshada degaanadaas ku dhaqan kala hadleen ka wada shaqeynta amniga iyo la dagaalanka argagaxisada Alshabaab oo si dhuumaaleysi ku yimaada degaanka.
Wariye Baashi Cali Xaashi oo ka tirsan warbaahinta dowladda ayaa soo sheegaya in ciidanku madddooyinkii dambe ay kordhiyeen howlgalada ay ku baacsanayaan maleeshiyaadka Alshabaab ee ku sugan koofurta gobolka Mudug.
