Ururka 46-aad, Guutada 8-aad, qeybta 60-aad ee Xoogga Dalka ayaa howlgal qorsheysan oo ay ka fuliyeen Gobolka Baay, ku burburiyay mid ka mid ah maxkamad beenaadyada ugu weyn kooxda Argagixisada ay ku lahaayeen deegaanka Moodo-moodo oo ka tirsan Gobolka Baay.
Taliyaha ururka 46-aad, Guutada 8-aad, qeybta 60-aad ee Xoogga Dalka xidigle Cadow Maxamed Cabdi ayaa sidoo kale xaqiijiyay inay howlgalkaas cagta kumariyeen xarumo ay maleeshiyadka Al-Shabaab ku lahaayeen deegaannada Buulo-fulaay, Iidaale, Raama-cadoy iyo Moodo-moodo.
Cidamada ayaa goobaha ay kala wareegeen argagixisada Al-Shabaab ka wada howlgallo amni xaqiijin ah.
