Ciidanka Xoogga Dalka Soomaaliyeed ayaa howlgal ballaaran oo ka dhan ah khawaarijta ka sameeyay degaannada kala ah Jowhar Aw-dheegle, Daanyeerrey, Gumeysi diid, Ay buteey, Buulo naageey iyo Keli caafimaad oo ka kala tirsan degmada Aw-dheegle, Jannaale iyo Lambar konton ee gobolka Shabeellada hoose.
Ciidanka xoogga dalka Soomaaliyeed ayaa howlgalka ku burburiyay goobo ay khawaarijta ku dhici jireen gaadiidka iyo shacabka iyo maxkamad beenaadyo dadka lagu ciqaabo.
Dhamme, Yuusuf Nuur Cali oo ka mid ah saraakiisha hoggaamineysay howlgalka ayaa Warbaahinta Qaranka u sheegay in ay khawaarijta ka eryeen dhul baaxaddiisa lagu qiyaasay 30 Km oo howd ah, halkaas oo ay ugu tala galeen in ay ugu dhuuntaan ciidanka xoogga dalka, iyagoo shacabkana u diiday inay tacbadaan beerahooda.
