Ciidamada Xoogga Dalka Soomaaliyeed Guutada 9aad qeybta 60-aad ee gobolka Bakool ayaa maanta Howlgal ciidan waxa ay ka sameeyeen Degaanno maleeshiyada Al-Shabaab ku dhuumaaleysanayen Iyo Waddada xariirisa Degmooyinka Xudur Iyo Ceelberde ee Gobolka Bakool.
Taliyaha Guutada 9aad qeybta 60-aad ee gobolka Bakool Gaashanle Dhexe Cali Ibrahim Isaak (Ali Xabad) ayaa hogaaminayay Howlgalka ciidanka ay sameeyeen maanta, kaasi oo ujeedkiisu ahaa in maleeshiyada laga nadiifiyo waddada isku xirta labada magaalada, Gaadiidka Ganacsiga ay u isticmaalaan.
Shacabka ku dhaqan magaalooyinka Xudur iyo Ceelberde ayaa soo dhaweeyay howlgallada ciidamada ay ka wadaan waddada isku xirta magaalo madaxda Gobolka Bakool ee Xudur iyo Degmada Ceelberde.
