Ciidanka xoogga dalka Soomaaliyeed ayaa dilay ugu yaraan sagaal ka tirsan argagixisada Al-shabaab oo saakay weerar gaadmo ah ku qaaday qaybo ka mid ah degmada Balcad ee gobolka Shabeellada dhexe.
Taliska Ciidanka xoogga Dalka Soomaaliyeed oo ay SONNA la xiriirtay ayaa xaqiijiyay in madaafiicda iyo rasaasta ay adeegsanayeen Kooxdu ay ku dhinteen shan qof oo rayid ah ayna ku dhaawacmeen tiro kale.
Taliska ayaa intaa ku daray inay cashar lama ilaawaan ah u dhigeen malleeshiyaadkii la soo qalday ee soo weeraray degmada Balcad, meydkooduna uu daadsan yahay duleedka magaalada.
Xaaladda magaalada ayaa hadda daggan, waxaana soconaya howl-gallo ay ciidamada Xoogga Dalka Soomaaliyeed ku baacsanayaan firxadka malleeshiyada Al-shabaab.
