Munaasabad ay ka qeyb galeen maamulka Jaamacadda Banaadir, dhaqaatiir, arday, xildhibaano iyo masuuliyiin kale, xarigana looga jarayey Isbitaalka tacliimiga ah ee leedahay Jaamacadaas ayaa maanta lagu qabtay degaanka KM-13 ee duleedka Magaalada Muqdisho.
Guddoomiyaha Guddiga adeegga Bulshada ee Baarlamaanka Dr. Cusmaan Maxamuud Dufle ayaa si rasmi ah xariga uga jaray Isbitaalka oo ka kooban sideed qeybood oo dhisan iyo afar qeybood oo dhismahooda dhawaan la dhameystiri doono, waxaana uun sheegay xildhibaan Dufle in xilligan laga bilaabo uu shaqa bilaabay isbitaalka.
โSi rasmi ah ayuu u furan yahay Isbitaalkaan Jaamacada Banaadir. Waxaan rajeynayaa inuu noqdo mid ay ka faaโiideystaan Soomaalida dhan, gaar ahaan dhaqaatiirta mustaqbalka, umulusooyinka mustaqbalka oo wax ku baranayaโ ayuu yiri Dufle.
Dr. Cabdullahi Sheekh Xuseen (Bushkuleeti) gudoomiyaha Muโasasada jaamacada Banaadir oo munaasabadaas ka hadlay ayaa sheegay in maanta ay bahda jaamacada Banaadir u tahay maalin weyn oo taariikhi ah.
โMaanta waa maalin weyn. Waa maalin ay rumowday riyo aan wadnay 12 sano. Maanta waxa aan furnay Isbitaalkii Jaamacada oo aan ka hirgelinnay degaankaan KM13 Maanta farxad meeshii u dambeysay oo ah inaan ooyo ayey iga mareysaaโ ayuu yiri Dr. Bushkuleeti.
Waxa uu raaciyay: โIsbitaalkaan dhismihiisa waxaa lasoo bilaabay sanadkii 2007-dii inkastoo howshiisu hakatay, hasa yeeshee waxaan dib u bilaawday horaantii sanadkii hore inaga soo gebagebeynay shalay oo December ay aheyd 31, sanadka 2014. Kuliyada Caafimaadka ee Jaamacada Banaadir maanta ayey dhameystirantayโ.
Dr. Cabdullahi Sheekh Xuseenย waxa uu sheegay in isbitaalkan dhismihiisa aysan jirin cid ka baxsan Muโasasada oo gacan ka geysatay hadii ay ahaan laheyd dowlada iyo heyโado gaar ah, wuxuuna xusay inuu u shaqeyn doono ummada Soomaaliyeed.
Isbitaalka ayaa waxaa qeybaha ugu muhiimsan kamid ah qeybaha wax lagu qalo, qeybta umilinta iyo qeybta jiifka hooyada uurka leh iyo caruurta, waxaana dhaqaatiirtii ka hadlay badankood ay sheegeen in looga maarmi doono in dibada loo aado baahi caafimaad.
Guddoomiyaha Jaamacada Banaadir Dr. C/risaaq Axmed Dalmar oo isna ka hadlay Munaasabadan ayaa sheegay in waqti, feker iyo maalba ay ku bixiyeen sidii isbitaalkaani uu ku hir-geli lahaa, waxaana uu wax lagu farxo ku tilmaamay in isbitaalka ay fariisan karaan qeybihiisa kala duwan 30 dhaqtar oo maalintii qaabili kara 500 oo bukaan socoto ah iyada oo sariiraha isbitaalka ay yihiin 220 xabo.
Waxaa sidoo kale munaasabadaas hadalo hambalyo u badnaa ka soo jeediyey gudoomiyaha ururka dhaqaatiirta Soomaaliyeed Dr. Maxamed Yuusuf iyo aqoonyahano kale oo maamulka jaamacada Banaadir ku amaanay dedaalka hagar laโaanta ah ee ay muujiyeen, iyagoo ku booriyey iney sii xoojiyaan.
Jaamacada Banaadir oo 12 sano jirsatay ayaa intii ay jirtay waxa ay ku talaabsatay horumaro kala duwan, waxaana maanta intii ay munaasabadu socotay loo duceeyay Dr. Shahiid oo ka mid ahaa asaasayaashii Jaamacada kaasoo dhowr sano ka hor ku geeriyooday qaraxii ka dhacay hotel Shamo ee magaalada Muqdisho.
