Ciyaaryahan Andre Schurrle ayaa ka tegay kooxda Chelsea,isagoo ku biiray kooxda Wolfsburg oo kaalinta labaad uga jirto horyaalka Jarmalka.
Ciyaaryahan Andre Schurrle ayaa kooxda Wolfsburg waxa ay ku iibsatay lacag dhan £24million.
Ciyaaryahan Schurrle ayaa afar sano oo qandaraas ah u saxiixay kooxda Wolfsburg,isagoo todobaadkii qaadan doono mushaar dhan £85,000.
Ciyaaryahan Schurrle ayaa boos joogto ah ka waayay kooxda Chelsea,waxana xaalkiisa uu sii xumaaday ka dib markii ay Chelsea la soo wareegtay ciyaaryahan Juan Cuadrado.
Suuqa kala iibsiga ciyaartoyda ee dalka Jarmalka ayaa xirmay 5-tii galabnimo ee waqtiga Jarmalka.
Kooxda Chelsea ayaa waxaa sidoo kale ka tegay ciyaaryahan Mohamed Salah oo amaah lix bilood ah ugu biiray kooxda Fiorentina ee dalka talyaaniga.
Ciyaaryahan Salah ayaa tijaabo caafimaad ku maray dalka ingiriiska.
