Xulka qaranka Croatia ayaa u gudbay kama danbeysta koobka aduunka markii ugu horeysay tariikhda ayadoo markii ugu horeysay koobka aduunka ay ciyareen ahayd 20-sano ka hor waxaana ay soo gaaren wareega afarta xiligaasi oo Croatia uu reebay dalka Faransiiska oo haatan kama danbeysta ay la ciyaari doonan.
Ingiriska oo gool la hormaray ayaa qaybtii hore lagu kala nastay qaybtii danbe markii la isku soo laabtay ayaa waxaa Croatia u barbareyay Ivan Perisic oo garabka weerarka ugu ciyaara dalka Croatia.
Waqti dheeri ah oo lagu daray ayaa waxaa Ingiriska ugu shubay Mario Manduzic oo u sahlay dalkiisa Croatia in uu noqdo dalkii sadex iyo tobanaad oo gaaro kama danbeysta tartanka dunida ugu weyn ayadoo sidoo kale Manduzic gool uu ka dhaliyay Ingiriska kulankii ugu danbeyay oo dalkiisa uu la ciyaaray Ingiriska Toban sano iyo bar ka hor.
Croatia ayaa ciyaaray sanadkaan markii sadexaad 120 daqiiqo waana markii shanaad oo sidaan oo kale kulan waqti dheeri ah lagu daro waxaana Croatia horey ay u soo garaceen dalka Ruushka oo koobka marti gelinayay halka sidoo kale ay ka soo adkaaden dalka Denmarka oo rigorayaal ay ugu soo adkaaden ugu danbeyntiina waxeey gaaren kama danbeysta koobka aduunka markii ugu horeysay tariikhda.
Xulka qaranka Ingiriska ayaa ku rajo weynaa in uu ku guuleysan karo koobka aduunka markii ugu horeysay 52-sano kadib ayadoo Ingiriska uu ku guuleystay Koobkii aduunka ee sanadkii 1966-kii waqti dheer oo xiligaasi ka soo wareegtay waxay ugu jireen dalaal sidii ay u heli lahayeen markii labaad in ay ku guuleystan balse uma suurta gelin in sanadkaan 2018.
Wiilasha Ingiriska u matalayay sanadkaan koobka aduunka ayaa noqday kuwii ugu horeyay ee Ingiriska keena afar dhamaadka Tartanka koobka aduunka tan iyo sanadkii 1990-kii xiligaasi oo ay ugu danbeysay in Ingiriska uu soo gaaro afarta ugu danbeysa tartanka waxaana Maalinta Sabtida Kaalinta sadexaad ay la ciyaari doona xulka qaranka Belgium oo koobka sidoo kale ka mid ahaa dalalka looga cabsida qabay balse ku guuldareystay in uu soo gaaro kama danbeysta koobka aduunka kana adkaado dalka Faransiiska oo haatan nasiibka uu siiyay in uu gaaro Fiinalka Tartanka waxaana Maalinta Axada ay noqon doonta maalinta ugu danbeysa ee la soo gaba gabeeyo koobka aduunka Faransiiska iyo Croatia ayaana ciyaari doona kama danbeysta.
