Bayaan rasmi ah oo ka soo baxay Kooxda xagjirka ah ee Daacish laguna
daabacay wargayska Al Naba ee afkooda ku hadla ayaa lagu sheegay in
kooxdu ay dagaal la gali doonto kooxda kale ee Al-shabaab oo ay ku
eedeeyeen inay laayeen dad u shaqaynayey iyo horjoogayaal ka tirsanaa
oo Soomaaliya ku matalay.
Daacish waxa ay sheegtay in Al-shabaab ay dileen ilaa 6-horjooge oo ka
tirsanaa oo ay ku tureen wabiga, ka dib markii ay carabka ka jareen
ama ay wajiga ka calaamadeeyeen, Raggaas oo uu ku jiray Mahad Macalin
oo Maydkisa la helay.
Related posts
Waxa ay ku tilmaantay koox gabalkeedu sii dhacayo oo bulshadu
necbaysatay, oo ku talax tagtay fikradaha qalafsan iyo caqiidada
qaloocan.
Al-shabaab waxa ay qaaday talaabooyin ay ku wiiqayso awoodda garabka
Daacish ee Soomaaliya ku sugan, si aysan meesha u soo galin koox
xagjir ah oo kula loolanta ka ganacsiga dhiigga iyo fikradaha
Takfiiriga ah.
Al-shabaab iyo Daacish waxa ay ka simanyihiin banaysashada dhiigga
Muslimiinta iyo xagjirnimada, balse danahooda kala duwan eek a
turjumaya meelaha salka u ah ayaa soo dadajiyey inay is ugaarsadaan
xilli iyaga la ugaarsanayo
