Akhristayaasheena sharafta leh waxaan halkan idinkugu soo gudbineynaa sida habsamida leh ee Imtixaanka Shahaadiga uga socda iskuulada magaalada Muqdisho, iyadoo ay ardayda Soomaaliyeed nasiib u heleen markale in sanadkii labaad oo is xiga ay ka qeyb qaataan imtixaanka shahaadiga oo shalay uu si rasmi ah u daah furay Ra’iisul Wasaare ku-xigeenka Xukuumadda Soomaaliya Mudane Maxamed Cumar Carte, kaasi oo ka bilowday dugsiyada bartamaha iyo koonfurta dalka.
Taliye ku-xigeenka ciidanka booliska Soomaaliyeed Jeneraal Mukhtaar Xuseen Afrax iyo saraakiil kale ayaa kormeer howleed ku tegay goobaha ay ka socdaan Imtixaanka shahaadiga ah ee ardayda dugsiyada sare, kuwaasi oo ugu kuurgalayay sida ay u socdaan imtixaanka.
