Ubaxa xarunta xanaanada gabdhaha agoonta Boondheere ayaa qaaday heeso ay ku amaanayaan dowlada iyo shacabka walaalaha ah ee Jabuuti.
Heeshahan ayaa lagu muujinayaa sida dowladda iyo shacabka Jabuuti ay isu bar bar taageen ummadda Soomaaliyeed xilliyadii bur burka, iyo gaar ahaan taageerada ay u fidiso caruurtaasi agoonta ah.
Maamulkaha xarunta agoonta Gabdhaha ee Boondheere Marwo Nuurto Maxamed Caddoow ayaa uga mahadcelisay dowladda Jabuuti taageerada wax ku oolka ah oo ay fudisay caruurta agoonta ah iyo dhismaha ay ka hirgelisay xaruntaasi.
Heesahan ayaa ku soo beegmaya iyadoo uu heer geba gebo ah marayo dhisme sadex dabaq ka kooban oo dowladda Jabuuti ka dhistay xarunta xanaanada gabdhaha agoonta Boondheere, ee magaalada Muqdisho.
