Boqolaal Soomaali ah ayaa saakay si wadajir ah ugu wada dukaday salaadda ciida masjidka Soomaalida ee ku yaala magaalada Pretoria caasimada dalka koofur Africa, xaafadaas oo ay kusii badanayaan Soomaalida xilliyadii dambe, ayadoo boqolaalkii sugu soo baxay uu salaada ciida la dukaday safiirka soomaaliya u fadhiya koofur Africa mudane Jamaal Maxamed Barrow iyo qaar ka mid ah madaxda iyo shaqaalaha safaarada.
Markii la dukaday salaadii ciida kadib ayaa halkaasi waxaa uu safiirka Soomaaliya ku gacan qaaday shacabkii Soomaaliyeed ee salaada ciida uu kula dukaday masjidka magaalada Pretoria ee caasimada dalka koofur Africa ayadooย sido kale la arkayay shacab fara badan oo isku mar xabeynayay isugu tahniyadeynayay salaadii ciida.
Related posts
Warbaahinta Qaranka ayaa shacabka Soomaaliyeed ee ku nool magaalada Pretoria waxaa uu fursado u siiyay in ay heladooda iyo asxaabtooda ay gaarsiiyaan tahniyada ciida, ayaga oo kala jooga dunida dacaladeeda.
Safiirka Soomaaliya u fadhiya koofur Africa Danjire Jamaal maxamed Barrow ayaa banaanka hore ee masjidka waxaa uu kula hadlay shacabkii soomaaliyeed ee halkaasi isugu soo baxay waxaana uu ugu hambalyeey farxad ciida guud ahaan shacabka soomaaliyeed eek u nool dalka koofur Africa iyo waliba madaxda Qaranka.
Magaalada Pretoria iyo guud ahaan magaalooyinka dalka koofur Africa ayaa xilligaan maalin qura la wada ciiidaya muslimiinta ku nool dunida dacaladeeda.
C/laahi Maxamuud Amiin”C/laahi Qorshe”
Pretoria Koofur Africa
