Wakiilka gaarka ah ee Xoghayaha guud ee Qaramada midoobay, Michael Keating, ayaa Soomaalida ku nool Magaalada Ottawa, oo ah Caasimadda Labaad ee Dalka Kanada ku boorriyay iney maal gashi ku sameeyaan waddankooda Hooyo.
Danjire,Kaitin oo safar shaqo ku jooga Dalka Kanada, ayaa sidoo kale raja wanagsan ka muujiyay dib u soo kabashada Soomaaliya, gaar ahaan arrimaha ammaanka, wuxuuna sidoo kale si qoto dheer ugu war bixiyay horumarka laga gaaray xagga Siyaasadda iyo horumarka.
Xildhibaan Axmed Xuseen, oo laga soo doorto Xaafadda York South-Weston ee Magaaladaasi Ottawa, ayaa ka sheekeeyay xaaladda Jaaliyadda Soomaaliyeed ee Kanada, iyo hammigooda ah iney ka qayb qaataan Horumarka ka jira Dalkooda.
Kulankan oo ay soo qaban qaabiyeen Xubno ka tirsan Baarlamanka Kanada, ayaa waxaa kaloo looga hadlay sidii loo Horumarin lahaa Xirfadaha Dadka Soomaaliyeed.
