Guddig Hirgalinta Doorashooyinka Dadban ee Hiiraan iyo Shabeellaha Dhexeย ayaa maanta soo gunaanaday tababar laba maalin qaatay oo loo qabtayย odayaasha dhaqanka labada gobo lee ka tirsan liiska 135ta ah ee soo xulaya
xildhibaannada Aqalka Hoose ee Baarlamaanka Soomaaliya.
Tababarkan oo odayaasha dhaqanka ay ku soo qaateen duruus ku aaddan guudย ahaan hannaanka doorashooyinka sanadkan 2016, iyo gaar ahaan kaalinta kagaย aaddan odayaasha dhaqanka, Waxaana odayaasha loo qeybiyay foomam la xiriiraย ergada Xildhibaanka soo dooranaya.
Related posts
Munaasabadda xiritaanka tababarka ayaa waxaa hadallo kala duwan ka jeediyayย guddoomiyayaasha guddiyada doorashooyinka heer federal iyo heer dowladย goboleed Avv. Cumar M. Cabdulle (Cumar Dhagey)ย iyo Zaki Cabdi Xaraare iyoย waliba qaar ka mid ah odayaashii ka qeybgalay tababarka.
Guddoomiyaha Guddiga Heer Federaal ee Hirgalinta Doorashooyinka Dadbanย (GFHDD) Avv. Cumar Dhagey ayaa ka faallooday qodobadii lagu gorfeeyayย tababarkii loo soo xiray odayaasha dhaqanka iyo waxyaabaha looga baahan
yahay inay ku dhaqaaqaan si looga dhabeeyo hirgalinta hannaankaย doorashooyinka sanadkan.
Guddoomiye Cumar Dhagey ayaa sidoo kale u ballan qaaday odayaasha inย guddiyada doorashooyinku si dhow ula shaqayn doonaan inta lagu guda jiroย geeddi socodka doorashada si la isaga kaashado howlaha shaqo ee dhammaan
hor yaalla.
Guddoomiyaha Guddiga Heer Dowlad Goboleed ee Hirgalinta Doorashooyinkaย Dadban (GDGHDD) ee Hiiraan iyo Shabeellaha Dhexe Mudane Zaki Cabdi Xaraareย oo soo gunaanaday munaasabaddii xeritaanka tababarka ayaa u mahad celiyayย odayaasha dhaqanka labada gobol, GFHDD, iyo dhammaan howl wadeennadaย doorashooyinka.
Mudane Xaraare ayaa sidoo kale kula dardaarmay odayaasha inay dar darย galiyaan howlaha hor yaalla isla markaana wada tashi ballaaran la sameeyaanย bulshada ay matalaan si guud ahaan shacabka labada gobol ay qeyb ugaย noqdaan hannaanka doorashooyinka sanadkan 2016.
