Munaasabadda lagu soo dhawaynayo Taliyaha Booliska Soomaaliyeed S/gaas Maxamed Sheekh Xasan Xaamud ayaa xalay lagu qabtay Magaalada Cadaado ee Gobolka Galguduud.
Xafladaasi oo ay ka qeyb galay Madaxwaynaha Maamul- goboleedka Galmudug C/kariin Xuseen Guuleed, Gudoomiyaha Baarlamanka Galmudug, Saraakiil Boolis oo heer Federaal ah iyo kuwa Galmudug, ilaa 400 oo Boolis Β Galmudug loo tababaray iyo Masβuuliyiin kale, ayaa waxaa halkaasi ka hadlay Taliska Booliska Soomaaliyeed, wuxuuna ku ammaanay Maamulka Galmudug kaalinta mugga leh ee uu ka qaatay tababarka Ciidanka Booliska Maamulkaasi.
Related posts
Taliyaha Booliska Soomaaliyeed S/gaas Maxamed Sh Xasan Xaamud waxaa kaloo uu sheegay in Talisku ku rajo weyn yahay in Booliska Gobolada la hormariyo, isagoo xusay in tababarkan Cadaado lagu soo xiray uu ahaa mid ay fuliyeen oo kaliya Galmudug iyo Booliska Federaalka.
Taliska Booliska Soomaaliyeed ayaa sidoo kale Galmudug ugu deeqay qalabka isgarsiinta Booliska, kaasi oo hirgalintiisa ay si wada jir ah u fureen madaxwayne ku xigeenka Galmudug Maxamed Xaashi Cabdi iyo Taliyaha Booliska Soomaaliyeed General Xaamud.
Taliyaha Booliska Galmudug C/casiis Aaden Dhagabadan ayaa fursad muhiim oo laga sii amba qaadi karo ku tilmaamay Ciidamadan tababarka loo soo gabangabeeyay, balse wali loo sii baahan yahay tababaro iyo qalabayn Boolisku helo.
Madaxwaynaha Maamul-goboleedka Galmudug Cabdikariin Xuseen Guuleed ayaa u mahadceliyay Taliska Booliska Soomaaliyeed iyo Macalimiintii tababarkaasi bixiyay, isagoo shahaado sharaf gudoonsiiyay Taliyaha Booliska Soomaaliyeed.
