Danjiraha cusub ee dowlada Soomaaliya u soo magacaawday wadanka Koofur Sudan Mudane Hussein Haji Ahmed Mohamud ayaa jaaliyada Soomaaliyeed ee degan wadankan la qaatay kulan isbarasho iyo xog-wareysi ah.
Kulanka oo ka dhacay xarunta Safaarada Soomaaliya ee Juba ayaa waxaa ka soo qeyb galeen in kabadan 120 Xubnood kuwaasi oo matalayeen gudiyada ganacsada ay leeyihiin, waxeyna warbihino iyo xaalada ay ku suganyihiin siiyeen danjiraha cusub iyagoona sheegeen in uu kusoo beegantay magacaabistiisa xili muhiim ah.
“waxaan aan aad ugu mahadcelinayaa Diblomaasiyiintii mudada u soo dhabar adeegeen wadida howlaha Safaarada iyo bulshadii gacanta ku siisay” ayuu yiri Danjire Hussein Haji Ahmed.
Ugu dambeyn danjire Hussein Haji Ahmed Mohamud ayaa ugu mahadceliyey Gudiga ganacsada Soomaaliyeed ee Koofur Sudan gacansiinta Safaarada iyo midnimadooda, waxa uuna balanqaaday in ay sii laba jibaaridoonaa howlihii ay bulshada u heysay Safaarada.
Ahmed Lafoole
Juba- South Sudan
