In ka badan 300 oo ruux kuna nool Magaaladda Ceeldibir ee Bariga gobolka Mudug ayaa ka faaiideystay Adeeg Caafimaad oo si Bilaash ah Ururka dhaqaatiirta Gobolka mudug iyo Iskuduwaha Wasaaradda Caafimaadka Galmudug.
Dadkaan ka faaidaystay Gurmadkaan Caafimaad ayaa iskaga imaaday Magaalada Ceeldibir iyo 16 deegaan oo hoos yimaada waxayna qabeen Xanuuno kala duwan
Dr Saadaq Cali yuusuf iyo Iskuduwaha Wasaaradda Caafimaadka Galmudug mmmm ayaa sheegay In Ceeldibir ay ka jirto Xaalad caafimaad oo deg deg ah loona baahan yahay in La garab Istaago Muwaadiniinta Soomaaliyed juna nool Ceeldibir.
Guddoomiye ku xigeenka Ceeldibir Cawil Abshir Maxamed iyo Shucayb Xasan Cali oo ka tirsan Odayaasha iyo Waxgaradka deegaanka ayaa ka mahad celiyay Gurmadkaan Caafimaad ee laga fuliyay Ceeldibir iyagoona dal baday Adeegyo Ka badan intaan gaar agaan waxay baaq u direen Wasaaradaha Caafimaadka XFS iyo tan Maamulka Galmudug.
Guddoomiyaha Ceeldibir C/raxmaan Shiikh Xasan ayaa horay kaga digay Xaalado Caafimaad daro oo saamayn ku yeeshay Bulshada Reer Ceeldibir iyo 16 deegaan oo hoos yimaada uguna horayso Shuban Biyood Caruur u dhinteen.
Ceeldibir ayaa Caasimadda Gobalka Mudug ee Gaalkacyo Bartamaha dalka dhinaca Bariga kaga began 180 KM waxuuna ka mid yahay Deegaanada Hoos taga Magaalo Xeebeedka Hobyo.
Bulshada Gobolka Mudug gaar ahaan Deegaanada Galmudug ayaa wajahaya Caafimaad daro baahsan inta badan deegaanada Bariga iyo Koonfurta Gobalka waxayna saamayn buuxda ku yeelatay Haweenka iyo Caruurta.
Sawir Qaade Baashi Cali Xaashi Wakiilka Hobyo
