Magaalada Gaalkacyo ee Xaruunta Gobalka ayaa Maanta waxaa tababar kaga furmay Wariyaal gaaraya 30 kuwaas oo ka howlgala Warbaahinta Gaalkacyo iyo kuwa wakiilada Warbaahinta Dalka oo ku sugan Gobalkaasi.
Tababarkaan oo socon doona mudo labo maalin ah ayaa waxaa qabanaaya Ururka Suxufiyiinta Soomaaliyeed ee Magacooda loo soo gaabiyo NUSOJ waxaana lgu baran doonaa ilaalinta xaquuqda Wariyaasha Soomaaliyeed iyo arrimaha ku saabsan sare u qaadista xirfadda Wariyaasha.
Furitaanka Tababarka ayaa waxaa kasoo qeyb galay Mas’uuliyiin ka socday Ururka Suxufiyiinta NUSOJ,Guddoomiyaha Gobalka Mudug C/rashiid Xaashi Cartan iyo Duqa Magaalada Gaalkacyo ee Galmudug Xirsi Yuusuf Bare.
Mas’uuliyiinta ka socday Ururka Suxufiyiinta Qaranka Soomaaliyeed ee NUSOJ ayaa sheegay inay ka go,an tahay Tababarida iyo sare uqaasita Aqoonta Wariyaasha Soomaaliyeed ee ku sugan Gobolada Dalka ayna nasiib u yeesheen bahda warbaahinta Gobolka Mudug helitaanka tababarka.
Wariyaasha Soomaaliyeed ee ku nool Dalka kana shaqeeya Media ama warbaahinta Soomaaliyeed ayaa ah kuwo u taagan u adeegista Dalka iyo sidii ay warar saxan u gaarsiin la haayeen bulshada Soomaaliyeed inkastoo ay dhibaatooyin kala kulmaan dhibaatooyin kala duwan oo mararka qaar soo gaarta.
