Wararka ka imaanaya magaalada Garoowe ee Xarunta maamulka Puntland ayaa waxaa ay ku waramayaan in dab khasaaro hantiyeed gaystay uu caawa fiidkii ka kacay goob maqaayad ah oo laga cunteeyo taasoo ku taala bartamaha magaalada waxaana dabkaasi uu ku sii fiday xarumo kale oo ay ku jiraa kaalin shidaal iyo goobo ganacsi oo lagu soo waramayo in dhamaantood uu dhulka ku daray.
wararka qaar ayaa sheegaya in dad shacab ah oo ku sugnaa goobaha ganacsi ee dabku qabsaday ay waxyeelo ka soo gaartay dabkaas dadweyne ayaa isugu soo baxay halka dabku ka kacay iyagoo isku dayay in ay dabka baqtiiyaan ciidamada amaanka ayaa iyaguna gaaray goobtaas iyagoo ilaalinayay in dhibaato amaan ay ka dhacdo goobtaas ugu dambeyntiina waxaa wararku sheegayaan in lagu guuleestay in dabkaas la damiyo.
