Magaalada Jowhar ayaa lagu soo waramayaa in goor dhow uu dab ka kacay, waxaana socda dadaallo lagu deminayo.
Dabka ayaa ka kacay suuq lagu iibiyo shidaalka oo ku yaala magaalada Jowhar, wuxuuna dabkaasi billowday abaaro 11-kii barqanimo ee maanta.
Maamulka iyo bulshada ku nool Jowhar ayaa iska kaashanaya sidii loo demin lahaa dabkaasi, oo la rumeysanyahay inuu ka dhashay shidaal.
Dabaayaqadii sanadkii hore ayaa dab xooggan oo sababay qasaare maaliyadeed waxa ka kacay isla suuqan maanta gubanaya.
Dad badan ayaa qaba in dabka inta badan ka kaca suuqyada shidaalka ay sabab u yihiin ganacsatada on habkii loogu talagalay u keydinin shidaalka.
