In ka badan 100 qof ayaa ku geeriyooday dalalka Malawi iyo Mozambique, ka dib markii ay ku dhufatay duufaanta Freddy oo wadata dabeylo xooggan iyo roobab mahiigaan ah.
Wararka ayaa sheegaya in la diiwaan galiyay 85 qof oo dhimasha ah iyo dhaawacyo gaaraya 134 qof oo ku dhaawacmay duufaantan, sidokale 16 qof ayaa lagu laβyahay Caasimada ganacsiga Malawi ee Blantyre.
Sidokale, Dalka dariska la ah ee Mozambique, ayaa laga soo warinayaa in ugu yaraan 10 qof ay ku dhintay, halka 14 kalana ay ku dhaawacmeen.
Machadka Qaranka Mozambique ee Maareynta Musiibooyinka ayaa sheegay in duufaanta ku soo noqotayΒ dalka ay ka sii xun tahay tii hore.
Duufaanta Freddy ayaa markii labaad ku dhufatay dalalkaasi, dabayaaqadii bishii Febraayo ayay aheed kolkii duufaantan dalalkaasi waxyeello baβan ka geeysatay.
Wararka ayaa intaas ku daraya inay suurtagal in tiradu dhimashada ay kor u kacdo, sida uu ka dhawaajiyay Charles Kalemba oo ah madaxa Waaxda Maareynta Masiibooyinka Malawi.
