Masaajid weyn oo kuyaalla dalka Nigeria ayaa soo dumay, xilli ay gudaha masaajidka ku jireen dad badan oo halkaasi u joogay in ay ku cibaadeestaan.
Inta la xaqiijiyay masjidka soo dumay ayaa waxaa ku dhintay dad gaaraya sideed qof ,halka ay ku dhaawacmeen 11-qof oo kale, dadka dhintay waxaa ku jira nin indhoole ahaa iyo sidoo kale carruur.
Afhayeenka golaha deegaanka magaalada Zaria Cabdullaahi Qaraabi, ayaa sheegay in shilkan uu dhacay xilli boqolaal qof ay ku cibaadaysanayeen Masjidka.
Roobab mahiigaan ah oo halkaasi ka da’ay ayaa la sheegay inay sababeen in masaajidka saqafkiisa kore uu soo dumo, waxaana sida la sheegay xilliga uu masaajidka soo dumayay aheyd waqti lagu jiray salaada Casar.
