Deegaanka Dowgaab oo ka tirsan deegaannaada dhaca Koofurta Gobalka Mudug oo ay ka jiraan dhibaatooyin la xariira dhanka adeegyada, aas aasiga u ah bulshada, gaar ahaan Waxbarashada ayaa waxaa ay codsadeen in laga gacan siiyo helitaanka xarun Waxbaarsho, taas oo gabi ahaanba deegaanku laheyn, isla markaana sababtay in carruur fara badan oo halkaasi ku nool loogu bilaabo Waxbarashadooda meel cidla ah ama geed hoostiis.
Guddomiyaha deegaanka Dowgaab Sheekeeye Axmed Sheekh iyo qaar ka mid ah dhallinyarada deegaankaasi oo la hadlay Warbaahinta ayaa codsaday in loo dhiso goob Waxbarasho, si carruurtooda ay u helaan adeegyo Waxbarasho oo tayo leh.
Hanad Cabdi Cali oo ka mid ah howlwadeennada Wasaaradda Waxbarshada Galmudug ee Gobalka Mudug ayaa sheegay in ka Wasaarad ahaan ay ka saacidi doonaan baahiyada jira, kuwaas oo ay ka mid yihiin kuraastii, miisaskii iyo agabyo kale, isagoo dhanka kalana ka codsaday bulshada deegaankaasi in ay la yimaadaan dhulkii looga dhisi lahaa xarunta, taas oo ay balan qaadeen maamulka deegaankaasi
