Dagaalka ayaa bilowday ka gadaal markii ciidanka xoogga dalka iyo daraawiishta Galmudug ay weerar ku ekeeyeen goobo ay ku dhuumaaleysanayeen maleeyshiyaadka nafla caariga ah ee Al-shabaab oo horay looga raacdeeyay deegaano badan oo dhaca Bariga iyo Koofurta gobolka Mudug.
Saraakiisha howlgalka hogaamineysa oo la hadlay Radio Muqdisho ayaa sheegay in ujeedku yahay in la cirib tiro haraadiga argagixisada isla markaana shacabka gobolka Mudug laga dulqaado dhibaatada Khawaarijta, dagaalka ayaana hadda socda iyadoo ciidanku guulo hordhac ah gaareen isla markaana firxadka cadawga la sii baacsanayo.
Ciidamadda Xooga Dalka iyo kuwa Daraawiishta Galmudug ayaa wado dadaalo xoogan oo kooxda Al-shabaab uga xureynayaan deegaanada ay kaga suganyihiin Galmudug.
