Dagaalyahano ka tirsan taalibaan ayaa ilaa iyo saddex gantaal ku weeraray garoonka diyaaradaha ee magaalada Kandahar ee koofurta wadanka Afghanistan
Afhayeen u hadlay ururka ayaa sheegay in ujeedka weerarkoodu uu yahay sidii ay u hakin lahaayeen duqeymaha diyaaradeed ee qaadeen malateriga wadankaasi
Related posts
Subulah mujahid oo ah afhayeen u hadlay taalibaan ayaa wakaalada wararka ee Reuters uu sheegay in garoonka ay weerareen uu yahay halka looga soo qaaday duulaanka iyaga lagu bartilmaameedsado.
Sarkaal ka tirsan dowladda ayaa sheegay in weerarka gantaalada uu sababay in la joojiyo dhamaan duulimaadyadda garoonka diyaaradaha iyadoo qasaare uu gaaray dhabaha ay diyaaradaha ku cararaan
Mascuud pashtuun ah oo sarkaal ka tirsan garoonka Kandahar ayaa xusay in ay socoto dayactir lagu sameynayo meelaha ay waxyeeleeyeen gantaalada isla markaana dhawaan dib loo bilaabi doono howlaha duulimaadyadda garoonka
Taalibaan ayaa waxaa muddo todobaadyo ah ay weeraro ka wadeen daafaha magaalada Kandahar iyadoo ujeedkooda ugu weyn uu ahaa sidii ay ula wareegi lahaayeen gacan ku haynta gobalka.
Weerarka taalibaan ay ku qaadeen garoonka diyaaradaha ayaa waxaa ay ka dambeysay kadib markii ay ku dhawaadeen magaalooyinka herat iyo lashkar gah
Dagaalo xoogan ayaa waxaa dhawaan ciidamada dowladda iyo taalibaan ay ku dhex mareen afaafka hore ee magaalada Herat.
