Wararka naga soo gaaraya tuulada Ceel-guduud ee gobolka Gedo ayaa sheegaya in salaaddii maqrib kadib uu dagaal ka qarxay Buuraha loo yaaan Buuro Bahalo oo dhinaca galbeedka tuulada Ceel guduud, halkaaso magaaladaasi i jirta masaafo dhan 3 km.
Qof ka mid ah dadka deegaankaasi oo codsaday inaan magaciisa la soo shaacin sababao la xiriira dhinaca ammaanka ayaa Radio Muqdisho u sheegay in dagaalka uu socday muddo kooban. isagoo intaasi ku daray in ciidamadii dowladda ee dagaalka soo qaaday ay dib ugu laabteen xaruntooda Ceelcade.
Sidoo kale waxaa uu noo sheegay in maxaabiistii Al shabaab ugu xirneyd Ceelguduud ay dhamaantood xabsiga ka fakadern.
Dadka u xirnaa maleeshiyaadka Shabaab ee xabsiga ka fakaday waxaa ka mid ahaa Hooyo dhashay 6 caruur ah oo ay kooxda shabaab dil ku xukumeen, kaddib markii ay ku eedeeyeen in ay samaysay meher qaldan, haweeneydaasi dhibana ah ayaa magaceeda lagu sheegay Deeqo Maxamuud “Aaran”.
Maleeshiyaadka Shabaab ayaa dhibaatooyin xad dhaaf ah u geysta dadka abriyada ah ee an waxba galabsan, iyagoo siyaabo kala duwan hore dhagax ugu dilay haween Soomaaliyeed, taasoo ah fal aad u xun oo ka fog dhaqanka suuban iyo xuquuqda Aadanaha.
