Urur Goboleedka IGAD ayaa sheegey in uu si weyn u taageersanyihiin qaabdhismeedka golaha Wasiirada cusub ee Soomaaliya, iyagoo balan qaaday in ay sii xoojin doonaan la shaqeynta dowladda Federaalka ah ee Soomaaliya.
Wakiilka Urur Goboleedka IGAD Danjire Maxamed Cabdi Afeey oo la hadlay Warbaahinta ayaa sheegay in IGAD ay aad ula dhacsantahay magacaabista Golaha Wasiirada, waxaana uu ku booriyay inay dalka gaarsiiyaan doorasho xor ah.
Related posts
โWaxaan soo dhaweyneynaa magacaabista Golaha Wasiirada ee uu soo dhisay Raโiisul Wasaaraha Xukuumadda Federaalka ah ee Soomaaliya, waxaana baarlamaanka ka rajeyneynaa inay meel mariyaan golaha Wasiirada, waan ugu hambalyeynayaa talaabada uu qaaday Raโiisul wasaare Cumar Cabdirashiidโ ayuu Danjire Afeey hadalkiisa ku daray.
Tan iyo markii uu Raโiisul wasaaraha xukuumadda Federaalka ah ee Soomaaliya mudane Cumar Cabdirashiid uu ku dhawaaqay magacaabista Golaha Wasiirada oo ka kooban lixdan xubnood ayaa waxaa isa soo tarayay taageerada shacabka Soomaaliyeed iyo beesha caalamka ee ku aadan Golaha Wasiirada.
