Danjiraha Soomaaliya u fadhiya Dalka Cumaan Cabdirisaaq Faarax Cali (Taano) oo ay wehliso La taliyaha Arrimaha Qunsuliyadda Safaaradda Marwo Xamsa Cabdiqaadir ayaa maanta booqasho gaar ah ugu tagay tiro maxaabiis Soomaaliyeed ah oo ku xukuman dambi la xiriiro Burcad Badeednimo kuwas oo muddo ku xirnaa Xabsiga Dhexe ee Magaalada Zama’il ee Dalka Cuman.
Danjiraha ayaa u kuurgalay xaaladda Caafimaad iyo midda nololeed ee Maxaabista, kuwas oo ku xukuman xabsi dheer.
Related posts
Safiirka iyo Qunsulka ayaa kulanka maxaabiista kadib, waxay Shir la qaateen Taliyaha Xabsiga Dhexe ee Zamaiโl G/Sare Cabdullahi Bin Maxamed Al-Maxrasi, iyaga oo ka wada hadlay la dhaqanka Maxaabiista Soomaaliyeed iyo sidii fursan Waxbarasho ay uga heli lahaayen gudaha Xabsiga maaddaama ay ku xukuman yihiin Xabsi Dheer.
Taliyaha Xabsiga G/Sare Cabdullahi Al-Maxrasi ayaa ka ballanqaaday Safiirka in uu dhalinyarada siin doono ahmiyad gaar ah, una sahli doono Xirfadaha Waxbarasho ee laga bixiyo gudaha Xabsiga.
Ugu dambeyntii G/Sare Cabdullahi Al-Maxrasi ayaa bogaadiyay dadaalka Safaaradda Jamhuuriyadda Soomaaliya ee Cuman, ee la xiriiro la socodka xaaladda guud ee Muwaadiniinta Soomaaliyeed ee ku xiran Xabsiga Dhexe ee Zamaโil ee Dalka Cuman taas oo buu yiri aaney ka helin Safaaradaha Dalalka kale ee muwaadinintoodu ku jiran Xabsiga.
