Danjire Jabriil Ibraahim Cabdulle ayaa u qabtay kulan casho sharaf ah xirfadlayaasha caafimaadka iyo Ardayda Soomaaliyeed ee cilmiga caafimaadka ka barata dalka Kenya.
Kulanka ayaa looga dooday xal u helidda caqabadaha soo wajaha xirfadlayaasha caafimaadka (Somali Medical Professionals) iyo Ardayda intuba iyo sidoo kale sahminta hanaanka lagu kordhin karo tirada Ardayda Soomaaliyeed ee dooneysa inay dalkan wax ka bartaan.
“Waxaan waqti ku qaadanay inaan ka hadalno kana fakarno arrimaha muhiimka ah ee saameeya xirfadlayaasha caafimaadka (Somali Medical Processionals) ee ka howlgala dalka Kenya iyo Ardaydeeens si aan u dejino yoolalka istiraatijiyadeed ee sanadka soo socda, markastana waxaan diyaar ula nahay xalinta caqabadaha la soo darsa umaadda Soomaaliyeed ee ku dhaqan dalka Kenya”. Ayuu yiri Danjire Jabriil.
Safaarada Soomaallya ee dalka Kenya ayaa durbadiiba ka howlgashay sidii ay xal deg-deg ugu heli lahayd culays ka soo wajahay Doctors ka howlgala dalka Kenya.
Safiirka Soomaaliya ee dalka Kenya Danjire Jabriil Ibraahim Cabdulle ayaa shaaca ka qaaday in markasta bulshada Soomaaliyeed ay u furantahay albaabada Safaaradda, isla markaana diyaar loola yahay xalinta caqabadaha soo wajaha.
