Safiirka Dowlada Soomaaliya u fadhiya dalkani Kenya Jamaal Maxamed Xasan ayaa maanta xarunta safaarada ee Nairobi kulan kula qaatay agaasimayaasha telefishinada ku hadlo afka Soomaaliga ah iyo sidoo kale tifatirayaasha idaacadaha ka howl gala dalkani Kenya.
Danjiraha iyo Agaasimayaasha Telefishinada iyo tifatirayaasha idaacadaha ayaa ka wada hadlay sidii ay wada shaqeyn wanaagsan u dhax mari lahayd safaarada iyo warbaahinta ku hadasho afka Soomaaliga ee fadhigoodu yahay dalka Kenya.
Danjire Jamaal Maxamed Xasan oo wax ka yar labo bilood joogo xafiiska safaarada ayaa soo dhaweeyay Agaasimayaasha Telefishinada iyo tifatirayaasha idaacadaha ee ka howl gala Nairobi,isagoo sheegay in uu aad ugu faraxsanyahay in waji cusub oo wada shaqeyn oo u bilowdo labada dhinac.
Agaasimayaasha Telefishinada iyo tifatirayaasha idaacadaha ka howl gala Nairobi ayaa safiirka u gudbiyay cabashooyin kala duwan oo ay ka mid ahayd dhibaatooyin ay la kulmaan wariyaasha soomaaliyeed ee ku nool dalknia Kenya.
Agaasimaha Telefishinka qaranka ee dalka Kenya Cilmi Maxamed Waare ayaa sheegay in ujeedada kulanka ay ahayd sidii ay isku baran lahaayeen Safiirka iyo Agaasimayaasha Telefishinada iyo tifatirayaasha idaacadaha ee ka howl gala Nairobi.
Gudoomiyaha Ururuka saxafiyiinta qurba joogta ee dalka Kenya Maxamed Cismaan Xuseen (New York) ayaa tilmaamay in uu muhiim ahaa kulanka dhex maray safiirka iyo Agaasimayaasha Telefishinada iyo tifatirayaasha idaacadaha ka howl gala Nairobi,islamarkaana uu waji cusub oo wada shaqeyn uu u bilowday labada dhinac.
Danjiraha dowlada Soomaaliya u fadhiya dalkani Kenya Jamaal Maxamed Xasan ayaa sheegay in uu ku farxaysanyahay kulanka uu la qaatay Agaasimayaasha Telefishinada iyo tifatirayaasha idaacadaha ee ka howl gala dalka Kenya.
Danjire Jamaal ayaa intaasi ku daray in uu dhageystay cabashooyinka ay u soo gudbiyeen wariyaasha,islamarkaana ay safaarada wax ka qaban doonto intii ay ka awoodo.
Markii uu kulanka dhamaaday ayaa Danjire Jamaal Maxamed Xasan waxa uu wariyaasha ku soo wareejiyay xarunta safaarada oo ay dib habeyn balaaran ku socoto.
Kulankan ayaa noqonaya kii ugu horeeyay oo uu Danjire Jamaal Maxamed Xasan la qaato Agaasimayaasha Telefishinada iyo tifatirayaasha idaacadaha ee ka howl gala Dalkani Kenya.
Sawir Qaade:- Xasan Cumar Baffo.
