Guddoomiye ku xigeenka Hay’adda Maaraynta Musiibooyinka Qaranka Dr Axmed Cabdi Aadan ayaa maanta xarunta dhexe ee Hay’adda kulan kula yeeshay madaxa xafiiska Hay’adda Gift of the givers ee Soomaaliya Mudane Cabdisalan Abuukar Sabriye iyo ku-xigeenkiis Mudane Saciid Ibrahim.
Kulanka ayaa looga hadlay xoojinta Iskaashi iyo wada shaqeyn dhexmarta labada Hay’addood iyo sidii gargaar deg-deg ah loo gaarsiin lahaa dadka Soomaaliyeed ee danta yar, si gaar ah shacabka Baladweyne ee ku barakacay fatahaadda Wabiga Shabeelle ka sameeyey Magaalada Baladweyne iyo deegaannada hoostaga.
Guddomiye ku-xigeenka ayaa ugu mahadceliyay Madaxda xafiiska Gift of the givers ee Soomaaliya shaqada ay ka wadaan gudaha Soomaaliya iyo wada shaqaynta dhaw ee ka dhaxeeyso labada Hay’adood.
