Ku-simaha Wasiiraka Wasaaradda Gadiidka iyo Duulista Hawada Xukuumada Federalka Soomaliya ahna Wasiiru-Dawlaha Wasaaradda Cabdikariim Cabdow Xaydar, oo uu wahelinayey Wasiir ku-xigeenka, Wasaaradda Axmed Jamaac Cumar, Mareeyaha Hay”adda Duulista Rayidka Soomaaliyeed Axmed Macallim Xasan ayaa kormeeray qeybaha garoonka diyaaradaha Caalamiga ah ee Aaden Cadde oo muhiimad gaar ah uleh Dalkeenna Madaama uu yahay Muraayaddii Dalkeenna.
Wasaaradda Gadiidka iyo Duulista Hawada ayaa iska saaraysa mas’uuliyad gaar ah, waxaana mas’uuliyiinta ay kormeereen dhabaha Diyaaraduhu ku dagaan kana duulaan, kaasi oo la qorsheynayo in dib u habeyn lagu sameeyo.
Ujeeddada kormeerka ayaa ah sidii loo sii horumarin lahaa qaybaha Garoonku ka kooban yahay oo ay ugu horayso Tan dhabaha Diyaaradaha, waxayna sheegeen Wasiiradu in ay qorshe cad ka leedahay Wasaaradda Gaadiidka iyo Duulista Hawadu mar kasta ilaalinta bilicda iyo in dhamaan laga hortago wax kasta oo dhibaato u keeni kara shaqada Garoonka Caalamiga ah ee Adden Cadde.
