Iyada oo dhawaan Hir-shaballe ay billawday daadejinta tubaha Qaranka ayaa magaalada Jowhar waxaa si dardar leh uga billaawday todobaadkaan shirarka tubaha Qaranka oo ay yeelanayaan Guddi hoosaadyada iyo Guddiyada Farsamada Tubaha.
Wasiirka Cadaaladda iyo arrimaha Garsoorka ee Dowlad Goboleedka Hirshabeelle Mudane Cabdiqaadir Cismaan Cabdislaan ayaa Guddoomiyay shirka Guddi Hoosaadka Golaha Wasiirada iyo Guddiga Farsamada Tubta Amniga iyo Cadaaladda oo lagu gorfeeyay ka mira dhalinta qorshaha horumarinta Dowlad Goboleedka Hirshabelle.
Intii uu shirku socday waxaa warbixin la xariirta Amniga guud ee Hirshabeelle laga dhegaystay Wasiiru Dowlaha Amniga Gudaha dawlad Gobaleedka Hirshabeelle.
Qorshayaasha sida gaarka ah looga wada hadlay waxaa qayb ka ahaa Tayeynta ciidamada, dib-u-eegista hay’adaha Cadaaladda iyo Garsoorka, isku xirka hey’adaha Amniga iyo bulshada deegannada Dowld Goboleedka Hirshabelle iyo Maareynta xiliga kala guurka ah ee ciidanka Soomaaliyeed ay la wareegayaan sugidda Amniga dalka.
Dhanka kale, waxaa iyana shir kaa lamid ah maanta yeeshay Guddi Hoosaadka Golaha Wasiirrada iyo Guddiga farsamada Tubta horumarinta arrimaha bulshada.
Dhawaan ayaa waxaa dowlad Gobaleedka Hirshabeelle ay noqday dawlad Gobaleedkii ugu horreeyay ee si rasmi ah ugu guulaysta daadejinta tubaha Qaranka kadib markii ay arrintaas dhaqan gelinteeda iska kaashadeen khuburo iyo howl-wadeenno ka socda xafiiska Ra’iisul Wasaaraha Soomaaliya iyo dawlad gobaleedka Hirshabeelle.
