Madaxweynaha Dowlad Goboleedka Puntland Mudane Siciid Cabdullaahi Deni iyo wefdi balaaran oo uu hogaaminayo ayaa si diiran loogu soo dhoweeyey magaalada Qardho.
Related posts
Wefdiga Madaxweynaha Puntland ayaa waxaa soo dhoweyntooda ka qayb qaatay Maamulka magaalada Qardho, shacab aad u tirabadan oo u diyaarsanaa soo dhoweynta wafdiga, ardayda magaalada Qardho, isimo, nabadoono, waxgarad, siyaasiyiin iyo masuuliyiin kale.
Madaxweynaha Puntland ayaa khudbad ka jeediyey barxadda magaalada Qardho, waxaana uu mahad balaaran u celiyey shacabka iyo mas’uuliyiinta ee soo dhoweeyey isaga iyo wefdigii la socday.
“Waxaan ku faraxsanahay inaan maanta markii ugu horaysey imaado Qardho, Allena inoo fududeeyo balantii aan wada-galnay taasi oo ahayd ‘Alle waxaan ka rajaynayaa anoo Madaxweyne ah inaan idiin soo noqdo’ Eebbe waan uga mahadcelinaynaa guushaasi, waxa aan u rabneyna waxay ahayd oo aan u balanay inaan nabadgelyada ka wada-shaqayno, xasiloonida inaan ka wada-shaqayno iyo horumarka”.
“Waxaan rajaynayaa reer Qardho iyo reer Puntland oo dhan inay u diyaar garoobaan sidii ay u dhisan lahaayeen dalkooda, isku tashadaan, horumarkiisa ka shaqeeyaan, cadawga ka xun wadajirkoodana ay u midoobaan dadka reer Puntland” Ayuu yiri Madaxweynaha Puntland.
Dhinaca kale Mudane Siciid Cabdullaahi Deni ayaa shacabka Puntland kula dardaarmay inay iska dayaan wax kasta oo ka hor imaanaya horumarkooda, una hogaansanaadaan xogta xaqiiqda ah ee lagu horumarinayo dalka, ย isagoo shacabka Puntland u sheegay inay u diyaar garoobaan doorasho hal qof iyo hal cod ah.
“Warar badan baa la sheegayaa wax sugan ma aha ee hadda wixii ka danbeeya warka dowladda uun dhegaysta, ololihii doorashada waa dhammaaday sidaas xaqiiqsada, sidaasi darteed hooska tuurka aan micnaha badnayn wakhtiga yuu inaga qaadin, inaan hore u soconaan u baahanahay, waxaad kaloo u diyaar garawdaan doorasho xor ah oo xalaal ah oo qof walba uu ka qaybgelaayo” Ayuu yiri Madaxweynaha dowlad goboleedka Puntland.
=DHAMMAAD =
