RADIO MUQDISHO(GALGADUUD):-Deegaanka Hul-Caduur oo hoos taga degmada Ceeldheer ee gobolka Galgaduud ayaa wajahaya xaalad adag, kaddib markii Bacadku si weyn ugu fiday deegaanka, taasoo saameyn ku yeelatay nolol-maalmeedka dadka iyo xoolaha ku nool deegaanka.
Dadka deegaanka ayaa sheegay in fiditaanka Bacadku uu sii fidayo, islamarkaana uu sababi karo in bulshada ku nool deegaanka ay ku qasbanaadaan inay ka guuraan guud ahaanba deegaanka,haddii aan si degdeg ah wax looga qaban xaaladda.
Waxay baaq u direen Dowladda Federaalka Soomaaliya, maamulka Galmudug, hay’adaha samafalka, ganacsatada iyo dhammaan dadka Soomaaliyeed, iyagoo ka codsaday in si degdeg ah loo soo gaarsiiyo gurmad iyo taageero wax looga qabanayo xaaladda ka jirta deegaankan.
