Roobabkii xilligga guga ayaa ka curtay meelo ka mid ah gobolada dalka Soomaaliya oo bilihii la soo dhaafay ay ka jireen abaaro baahsan oo dhaliyay dhimasho iyo barakac ku yimid dadka iyo xoolaha.
Roobabkaan ayaa shalay iyo xalay ka da’ay deegaanno ka mid ah gobolada mudug, Galgaduud iyo Bakool, waxaana ku diirsaday dadka iyo xoolaha.
Inkastoo dad badan ay ku barakaceen abaarihii ka jiray inta badan gudaha dalka, haddana, waxaa la rajeynayaa in qoysas badan ay abaabul u galaan beerashada xilliga guga ee bilaabmay.
