Dooorashada Madaxweynaha Dowlad goboeedka Galmudug ayaa si rasmi ah uga bilaabatay magaalada Cadaado ee gobolka Galgaduud, halkaasi oo ay ku suganyihiin musharaxiinta u taagan xilka Madaxweynaha.
Guddoomiyaha baarlamaanka dowlad goboleedka Galmudug Cali Gacal Casir iyo ku-xigeenadiisa ayaa bilaabay codeynta doorashada loogu tartamayo xilka Madaxweynaha Dowlad Goboleedka Galmudug.
Related posts
Xilka Madaxtinimo ee dowlad goboleedka Galmudug waxaa ku loolamaya ilaa iyo lix musharax oo kala ah Axmed Macalin Fiqi, Axmed Cabdisalaan Xaaji Aadam, Cabdikariin Xuseen Guuleed, Cabdi Xasan Cawaale Qeybdiid, Maxamed Cilmi Afrax Mideeye iyo Xasan Maxamed Nuur Qalaad.
Waxaa iminka si habsimi leh u socoto codeynta doorashada, iyadoo guddiga doorashada ay codsadeen in lala dhowro nidaamka u degsan, si doorashada ay ugu dhacdo mid habsami leh.
Wareega koowaad Musharaxii la yimaada 45 cod isaga ayaa noqon doona Madaxweynaha dowladย Goboleedka Galmudug maadama baarlamaanka uu ka kooban yahay 89 Xildhibaan, isla markaana cod hal dheeri ah lagu guuleysanayo oo ah 50+1 sida ay sheegeen guddiga doorshada.
Haddii la waayo Musharax wareega koowaad la yimaadaย 45 cod, waxay marka noqon doontaa in loo gudbo wareega labaad markaas oo ninkii hal cod dheeraada guuleysan doono.
Waxaa madashada doorashada ka dhaceysa ku sugan mas’uuliyiin ka tirsan labada gole ee dowladda, diblomaasiyiin iyo marti sharaf kale.
