Wasiirka Arrimaha Gudaha iyo Federaalka Xukuumadda Soomaaliya Mudane Cabdiraxmaan Maxamed Xuseen “Odawaa” ayaa hambalyo u diray Dadka ku nool Labada Gobol ee mudug iyo Galgaduud isla markaana dooranaya Madaxweynaha Dowlad Gobolleedka galmudug, Isagoo ku ammaanay sida ay ugu diyaar garoobeen inay doorasho samaystaan taas oo maanta dhecaysa.
Wasiirka ayaa u rajeeyay madaxweynayaasha Tartamaya guul isagoo midkii soobaxana u sheegay in Dowladda Federaalka Soomaaliya ay taageerayso.
Dhanka kale Wasiirka ayaa u mahadceliyay Guddiga doorashada Madaxweynaha Dowlad Gobolleedka Galmudug qaabkii shaqo ay muujiyeen iyo Guddoomiyaha Golaha Wakiillada Dowlad Gobolleedka Galmudug iyo kuxigeenkiisa hannaanka ay wax u wadaan.
Wasiirka Arrimaha Gudaha iyo Federtaalka Soomaaliya Cabdiraxmaan Maxamed Xuseen “Odawaa” ayaa tilmaamay in Dowladda Soomaaliya gaar ahan Wasaradda Arrimaha Gudaha waqti Badan ay ku bixisay Inay Hirgasho Doorashadaaan maanta dhaceysa, isla amrkaana Arrintaan Hirgalinteeda uu soo socday “80” maalmood “56” ka mid ahna wasiirka iyo mas’uuliyiin kale oo ka tirsan dowladda ay joogeen Degmada cadaado si wax kasta oo socda ay u ogaadaan.
