Masuuliyiinta Dowladda Federaalka Soomaaliya ee ku sugan hoolka ay ka dhecayso Doorashada Madaxweynaha Galmudug ayaa sheegay in la gaaray Awood isku filnaansho maadaama Arrin Ummadda Soomaaliyeed muddo ay soo wadeen ay dhaceyso taas oo ah Doorashada Madaxweynaha Galmudug iyo kuxigeenkiisa iyagoo ku booriyay in la Adgeeyo midnimada Ummadda Soomaaliyeed iyo Qarannimada Soomaaliya.
Iyaga oo ka hadlayay Arrintaan doorashada ah sida ay u socoto ayey Mas’uuliyiintu waxa ay ku tilmaameen guul iyo hannaan wanaagsan oo Soomaaliya u soo hoyatay, cidkasta oo ku soo baxda Doorashada Madaxweynaha Dowlad Gobolleedka galmudug ayey sheegeen in ay soo dhaweynayaan isla markaana ay ku faraxsanyihiin.
Hoolka ayaa aad waxaa u soo buux dhaafiyay Mas’uuliyiin Dowladda ka tirsan iyo dadweyne kale oo aad u badan kuwaas oo indhaha ku haya sida ay wax u socdaan, sidoo kale waxaa goobta jooga Musharrixiinta u taagan qabashada Hoggaanka Madaxweynaha Dowlad Gobolleedka galmudug.
