Dhuusa Marreeb April 8, 2015 – Madaxweynaha Jamhuriyadda Federaalka ah ee Soomaaliya, Mudane Xasan Sheekh Maxamuud, ayaa maanta safar shaqo ku yimid magaalada Dhuusa Marreeb ee Gobolka Galguduud.
Madaxweynuhu inta uu joogo Dhuusa Marreeb waxaa uu kulammo wadatashi ah, oo ku saabsan qabanqaabada gebagebada mareysa ee shir lagu dhiso dowlad Goboleed laga hirgeliyo Gobollada Dhexe oo uu la yeelan doono ergooyin ka socda qabaa’ilka Gobollada Mudug iyo Galguduud.
Madaxweynaha waxaa si diirran u soo dhoweeyay dadweynaha magaalada Dhuusa Marreeb oo ay horkacayeen mas’uuliyiin ka tirsan labada Gole oo maalmahanba ku sugnaa Dhuusa Marreeb iyo Guddoomiyaha Gobolka Galguduud, Xuseen Cali Weheliye.
